Pagnanasa

itikom mo ang 'yong bibig

sa pagpanaw ng dilim

upang 'di mamutawi

sa labi mo ang panaghili

itiklop mo ang 'yong mga mata

sa liwanag ika'y 'wag masilaw

bagkus ika'y lumakas

sa dulot nitong pag-asa

yakapin mo ako

sa gitna ng hinaing

pawiin mo ang dusa

at maparam itong pagluha

hawakan mo ako

sa aking kanang kamay

ikaw ay 'wag nang bumitaw

upang ako'y di na mawalay

liwanag mo'y huwag alisin

sa daan ko'y tanglawan

lagi na'y sumama ka

at 'wag nang lumisan pa

This is my first "tula" after a soooooooo long hiatus of composing Tagalog poems. Prior to this was back in my high school days. I'm yearning that creating this tagalog version would enrich the POEMS101 category on my blog. So expect more, as i squeeze juices from my tagalog vocabulary in my succeeding posts.

~mAc