Sa mundong tila ba'y isang bula
Sa isang iglap pwedeng mawala,
Ikaw, ako, siya, tayo
Alam mo ba hanggang saan patungo?
Sa panandaliang saya sa mundo,
Pipiliin mo pa bang matalo?
Kung hindi makuha ang panalo
Kakayanin mo bang makuntento?
Sa pagtahak sa pangarap ko susugal ako,
Sagot sa katanungan mula sa isip ko
Na kahit pa ako'y madurog
Na parang salamin na tila'y naging bubog
Lalaban at susugal pa rin ako,
Dahil sa bawat pagkakataong dumaraan
Hindi dapat ito pinakakawalan
Sa pagkat sa buhay na palaban
Imposibleng di makuha ang karangyaan
Bumangon tayo'y magpatuloy sa buhay,
Pintahan ito't lagyan ng kulay
Mula sa madilim na pagkahimlay
Magpatuloy tayo upang magtagumpay.
Original Content by KJODS
